Atal a chymorth cynnar i fynd i’r afael ag unrhyw bryderon sy’n dod i’r amlwg

Gall camdriniaeth ac esgeulustod gael effaith sylweddol ar oedolion sy’n wynebu risg (Gweler arwyddion a dangosyddion o gamdriniaeth ac esgeulustod). Fodd bynnag, gall cymorth cynnar, y cyfeirir ato hefyd fel ymyrraeth gynnar:

• amddiffyn oedolion rhag dod yn oedolion sy’n wynebu risg sy’n profi camdriniaeth, ac/neu esgeulustod;
• osgoi problemau rhag gwaethygu;
• lleihau'r angen am ymholiadau ac ymyriadau diogelu;
• bod â buddion tymor hir i iechyd a llesiant yr oedolyn.

Mae'n bwysig felly bod cymorth cynnar yn cael ei gynnig i oedolion pryd bynnag y bo hynny'n bosibl i'w hatal rhag iddynt ddod yn oedolion sy’n wynebu risg.

Mae'r tasgau i ymarferwyr sydd mewn cyswllt ag oedolion a allai fod yn agored i ddod yn oedolion sy’n wynebu risg o gamdriniaeth ac esgeulustod yn ddeublyg:

• gweithio gyda'r oedolyn a'u gofalwyr i osgoi sefyllfaoedd sy'n debygol o arwain at i’r oedolyn brofi camdriniaeth neu esgeulustod h.y. adeiladu gwytnwch, asedau a chryfderau;

ac, os nad yw hyn yn effeithiol:

• i nodi ac ymdrin â phryderon sy’n dod i’r amlwg, a allai, os na chânt eu datrys, arwain at i’r oedolyn ddod yn oedolyn sy’n wynebu risg a phrofi camdriniaeth neu esgeulustod.

Awgrymiadau Ymarfer: Nodi Oedolion a'u Gofalwyr a allai fod angen Ymyrraeth Gynnar i Atal yr Oedolyn rhag dod yn Oedolyn sy’n wynebu risg o Gamdriniaeth ac Esgeulustod