Awgrymiadau Ymarfer: Ymgysylltu â’r oedolyn sy’n wynebu risg ynghylch cwblhau’r broses ddiogelu

Gall y broses amddiffyn fod yn ddryslyd i ymarferwyr heb sôn am yr oedolyn sy’n wynebu risg . Hefyd, trafodwyd gwybodaeth am gam-drin ac esgeulustod yr oedolyn sy’n wynebu risg mewn fforymau ynghyd â manylion am ei amgylchiadau personol a’r canlyniadau dymunol. Gall hyn wneud i’r oedolyn sy’n wynebu risg deimlo’n agored i niwed ac, er gwaethaf gofynion cyfrinachedd, fod eu profiadau’n fusnes i bawb.

Mae’n bwysig cydnabod a mynd i’r afael ag unrhyw deimladau negyddol a chanlyniadau sy’n deillio o’r broses. Os na wneir hyn, gallai’r oedolyn sy’n wynebu risg fod yn amharod i dderbyn gwasanaethau a/neu adrodd arfer gwael, cam-drin neu esgeulustod yn y dyfodol.

Mae felly’n bwysig i’r oedolyn mewn perygl gael cyfle i:

• leisio’i farn a’i deimladau am y profiad hwn a’u cael wedi’u cydnabod;
• trafod ei brofiad o’r broses amddiffyn, beth weithiodd, beth oedd yn destun pryder;
• ystyried unrhyw faterion neu gwestiynau sydd ganddo am y broses a’r canlyniad;
• mynegi ei farn ar unrhyw gymorth yn y dyfodol a sut y caiff hwn ei gynllunio a’i siapio’n unol â’i anghenion, ei ddymuniadau a’i amgylchiadau.