Mae’r ymarferwyr sy’n cymryd rhan mewn cyfarfod/trafodaeth strategol yn aelodau grŵp gorchwyl sy’n canolbwyntio ar dasgau y mae’n rhaid iddynt gydweithio er mwyn diwallu anghenion amddiffyn gofal a chymorth yr oedolyn sy’n wynebu risg.
Mae’r grŵp yn fwyaf tebygol o gyflawni’r dasg hon yn yr amgylchiadau canlynol:
- mae pob cyfranogwr yn deall ei rôl a’i gyfrifoldebau wrth gyflawni’r cynllun;
- mae gwahaniaeth amlwg rhwng penderfynu ar y cyd ac atebolrwydd awdurdod lleol;
- eir i’r afael ag argraffau amrywiol o risg o gam-drin ac esgeuluso a’r goblygiadau ar gyfer ymarfer;
- mae pob ymarferydd yn ymgysylltu â’r oedolyn sy’n wynebu risg yn unol â’i rôl a’i gyfrifoldebau;
- ymatebir i bryderon a gofidion ymarferwyr ynglŷn â gwrthdaro ac ymddygiad ymosodol;
- caiff cyfraniadau pob ymarferydd eu cydnabod a’u gwerthfawrogi;
- nid yw aelodau’n ofni herio ymarferwyr eraill a/neu’r gofalwyr/teulu;
- mae ymarferwyr yn osgoi jargon proffesiynol a ddim yn tybio bod pawb yn deall beth yw arwyddocâd blaenlythrennau;
- dylai unrhyw leoliad deimlo’n gyfforddus i’r oedolyn sy’n wynebu risg a bod yn hygyrch iddo. Mae’n bwysig peidio â gwneud rhagdybiaethau am leoliad priodol heb ymgynghori â’r oedolyn sy’n wynebu risg;
- cynhelir cyfarfodydd ar amser sy’n ei gwneud yn hawdd i’r oedolyn sy’n wynebu risg a’i ofalwyr ddod.