Gall fod yn heriol i’r teulu ac aelodau’r gynhadledd ymarferwyr ystyried anghenion pob plentyn unigol mewn grŵp mawr o frodyr a chwiorydd. Dylai’r cadeirydd a’r gweithiwr cymdeithasol ystyried y canlynol cyn y gynhadledd:
- pwy sydd angen bod yn y gynhadledd i sicrhau bod digon o wybodaeth ar gael er mwyn nodi anghenion amddiffyn, gofal a chymorth pob plentyn wedi eu nodi?
- beth yw goblygiadau o fynychu cynhadledd a rheoli cyfranogiad a thrafodaeth?
- pa mor hir y mae’r gynhadledd yn debygol o bara os ydym am sicrhau y caiff anghenion pob plentyn eu hystyried yn ystyrlon?
- sut rydym yn bwriadu sicrhau bod pob brawd/chwaer â llais yn y gynhadledd?
- sut byddwn yn rheoli cyfranogiad rhieni/gofalwyr os oes nifer o ffigyrau rhiant yn ymwneud â gofal y gwahanol frodyr a chwiorydd?
Wedi ystyried yr uchod, dylai’r cadeirydd a’r gweithiwr cymdeithasol benderfynu:
- a yw’n realistig i ni nodi a mynd i’r afael ag anghenion gofal, cymorth ac amddiffyn pob plentyn mewn un gynhadledd? A ddylen ni ystyried cynnal dwy gynhadledd gan fod anghenion y brodyr/chwiorydd mor amrywiol?
- A fydd y teulu’n debygol o deimlo wedi eu llethu gan faint y gynhadledd? Sut gallai hyn effeithio ar eu cyfranogiad a sicrhau llais pob plentyn?
- Allwn ni sicrhau bod ymarferwyr sydd yn cyfranogi yn cymryd rhan lawn wrth rannu gwybodaeth a gwneud penderfyniadau?
- Beth yw’r oblygiadau ar hyd y gynhadledd? Os yw’r gynhadledd yn debygol o bara’n fwy na 90 munud a fydd angen egwyl? A ddylid ystyried cynnal dwy gynhadledd?