Awgrymiadau Ymarfer: Cyfarfod Cyntaf y Grŵp Craidd – Ymarfer Effeithiol

Mae’r grŵp craidd yn weithgor sy’n cynnwys y rheiny sy’n gyfrifol am weithredu’r cynllun amddiffyn gofal a chymorth.

Mae’r canlynol yn bwysig:

Deall cyfraniad at y cynllun

Erbyn diwedd y cyfarfod, dylai bob ymarferwr sicrhau bod nhw’n deall:

• cynnwys y cynllun a’r rhesymeg y tu ôl iddo;
• mesurau canlyniad sy’n canolbwyntio ar y plentyn;
• y cyfraniad y maent yn ei wneud i’r cynllun;
• sut byddant yn gweithio gyda’r teulu yn eu rôl fel ymarferwr i wella profiad byw bob dydd y plant/plentyn.

Sicrhau bod anghenion pob plentyn yn cael ystyriaeth deg

Mae anghenion plant yn amrywio; mae’n bwysig bod pryderon ynghylch profiad bob dydd bob plentyn yn y teulu, a newidiadau i brofiadau bob dydd, yn cael eu hystyried ar wahân.

Defnyddir mesurau canlyniad sy’n canolbwyntio ar y plentyn

Nod y cynllun yw sicrhau bod y plentyn wedi’i amddiffyn rhag niwed a bob ansawdd ei fywyd bob dydd yn gwella. Felly, mae’n bwysig bod mesurau canlyniad a nodau cynnydd yn cael eu fframio o ran y gwelliannau a ddisgwylir gan ymarferwyr i ansawdd profiad bywyd bob dydd y plentyn.

Dylid osgoi ieithwedd a jargon proffesiynol

Dylid osgoi ieithwedd fel ‘rhiant/rhieni i fynychu rhaglen rianta’. Yn hytrach, dylid nodi’n glir pa bryderon ynghylch ymddygiad rhianta dylid cael eu datrys yn ystod y rhaglen rianta a sut fydd llwyddiant yn cael ei fesur o ran y ffordd allai gael ei ddangos, h.y. canlyniadau gwell i brofiadau bob dydd y plentyn/plant.

Rhoddir ystyriaeth barhaus i ysgogiad y rhieni a’r gallu i newid

Er mwyn i gynlluniau fod yn effeithiol, mae’n hanfodol bod y rhiant/rhieni yn ymgysylltu’n ystyrlon â’r broses o newid. Er mwyn newid, mae angen gallu a chymhelliant i newid. Dylid cynnal asesiad o’r capasiti i newid a goblygiadau’r cynllun.

Mae ymddygiad yn y gorffennol ac ymgysylltiad â gwasanaethau yn y gorffennol yn dangos cymhelliant y rhieni i newid.

Dylid sicrhau bod rhieni’n deall yr hyn a ddisgwylit ohonynt a’r rhesymeg

Mae rhieni’n fwy tebygol o ymgysylltu â’r cynllun os ydynt yn deall rhesymeg y cynllun a pham bod disgwyl iddyn nhw wneud y newidiadau a nodir yn y cynllun. Felly, mae’n bwysig bod y grŵp craidd yn mynd ar gyflymder y rhiant/rhieni i sicrhau eu bod nhw’n deall yn llwyr yr hyn a ddisgwylir ohonynt a’r gefnogaeth y byddant yn ei derbyn.

Rhoddir ystyriaeth lawn i’r hyn y mae’r teulu am ei newid

Er ei bod hi’n bwysig i ganolbwyntio ar bryderon ymarferwyr, mae hefyd yn bwysig i ystyried yr hyn yr hoffai’r plentyn/plant a’r rhiant/rhieni ei newid.

Mae angen i ymarferwyr ddeall sut bydd eu hymyrraeth yn cyfrannu at gyflawni canlyniadau sy’n canolbwyntio ar y plentyn.

Mae angen i ymarferwyr ddeall yn union yr hyn sy’n ddisgwyliedig ohonynt o ran camau a sut fydd y cynnydd yn cael ei fesur.

Sicrhau i fanteisio ar gryfderau a dathlu llwyddiannau

Dylid wastad cydnabod cryfderau’r teulu a defnyddio’r rhain wrth lunio cynllun.