Canllaw Ymarfer: Ymarferion Cynhadledd Adolygu Effeithiol
- Dylai ffocws yr adolygiad fod ar werthuso newidiadau ansawdd i’r profiad bywyd pob dydd y plant/plentyn ac yn sgil y newidiadau hyn, neu eu diffyg, pennu camau gweithredu megis parhau â’r cynllun.
- Mae angen tystiolaeth benodol bod y rhianta wedi gwella ac wedi cael effaith bositif ar y plentyn/plant i gadarnhau dad-gofrestru. Dylai’r dystiolaeth hon gynnwys profiadau’r plentyn ynghyd ag arsylwadau’r ymarferwr.
- Dylai’r grŵp craidd ddarparu adroddiadau sydd, wedi’u cyfuno, yn rhoi trosolwg cynhwysfawr o’r gwaith a wnaed gan y grŵp craidd a’i effeithiolrwydd.
- Dylai ymgysylltiad y rhiant â’r cynllun gael ei asesu ar wahân.
- Mae ymgysylltiad y plant/plentyn yn y broses adolygu’n hanfodol. Mae’n bwysig cael gwybod a yw’n credu bod y cynllun yn cael effaith gadarnhaol ar ei fywyd.
- Dylai aelodau’r adolygiad geisio deall pam mae’n bosibl nad oedd y rhieni/rhiant wedi cyfranogi mewn agweddau eraill ar y cynllun ac a allai newidiadau i’r cynllun hyrwyddo cyfranogiad.
- Dylai’r teulu dderbyn adborth positif ar gyfer unrhyw ymgysylltiad â’r cynllun sydd wedi arwain at ganlyniadau positif i’r plentyn.
- Wrth ystyried cynnydd, mae’n bwysig cydnabod effaith llwythi gwaith staff, salwch, diffyg adnoddau ac ati ar y broses o roi’r cynllun ar waith.
- Dylid dathlu llwyddiant o ran cyflawni’r canlyniadau terfynol sy’n canolbwyntio ar y plentyn.