Mae’n hanfodol bod ymarferwyr yn trin unrhyw ddatgeliad iddynt o ddifri ac nad ydynt yn barnu dibynadwyedd a dilysrwydd yr hyn a ddywedwyd. Y gwasanaethau cymdeithasol a’r heddlu fydd yn barnu hynny.
Rhoi gwybod am bryderon
Hysbyswch y pryderon ar unwaith i:
- eich rheolwr llinell a/neu y person diogelu penodedig (PDP) yn gofyn am gyngor
ac
Sicrhewch y caiff y pryderon eu hysbysebu yn syth i’r gwasanaethau cymdeithasol lleol:
- peidiwch ag oedi;
- peidiwch â wynebu’r camdriniwr honedig;
- peidiwch â phoeni eich bod yn gwneud camgymeriad o bosibl caiff ymarferwyr eu cymryd o ddifri gan y gwasanaethau cymdeithasol bob amser. Mae’n well trafod y datgeliad â rhywun sydd â’r profiad a’r cyfrifoldeb i wneud penderfyniad, yn hytrach na pheidio â gweithredu.
Cofnodi
Cofnodwch yr hyn a ddywedwyd wrthych cyn gynted â phosibl ac nid hwyrach na 24 awr wedi’r datgeliad:
- defnyddiwch union eiriau’r plentyn;
- disgrifiwch amgylchiadau’r datgeliad; y lleoliad ac unrhyw un arall a oedd yno;
- byddwch yn ymwybodol y gallai fod angen yr hysbysiad ar gyfer camau cyfreithiol neu weithdrefn ddisgyblu felly gwahaniaethwch rhwng ffeithiau a barn;
- cofnodwch y dyddiad, amser, y lleoliad a’r bobl a oedd yno pan wnaed y datgeliad.