Canlyniadau’r Drafodaeth/Cyfarfod Strategaeth
Penderfyniadau a Gefnogir ar sail Gwybodaeth
Dylai unrhyw benderfyniadau sy’n perthyn i gamau gweithredu diogelu
- fod yn gyfiawn ac yn gymesur;
- grymuso’r oedolyn cyn belled â phosibl i wneud penderfyniadau;
- ei alluogi i ddatblygu’r galluoedd i ymateb i bryderon a nodir;
- sicrhau bod ei hawliau ar ddiogelwch yn cydbwyso â’i hawliau ar ryddid, annibyniaeth a bywyd teulu;
- cydnabod y gallai’r oedolyn sy’n wynebu risg, ni waeth ei alluedd meddyliol, wrthod cymorth a chefnogaeth ymwthiol neu ddechrau achos troseddol;
- y gellir profi tynnu cysylltiad â’r teulu yn ôl fel cam-drin;
- cymryd i ystyriaeth ffactorau diwylliannol a chrefyddol.
Mae’n bosibl, felly bod ymarferwyr yn sicrhau bod yr oedolyn sy’n wynebu risg:
- yn deall pryderon yr ymarferwyr ynglŷn â cham-drin ac esgeuluso;
- yn gwerthfawrogi’r opsiynau sydd ar gael;
- yn cael gwybod am fanteision ac anfanteision pob opsiwn.
Siart Lif 3: Ymchwiliad Ffurfiol
Cynllun gweithredu y cytunwyd arno
Erbyn diwedd y drafodaeth/cyfarfod dylai cyfranogwyr gytuno ar gynllun gweithredu sy’n cynnwys:
- y pryderon neu’r honiadau i fynd i’r afael â nhw;
- camau gweithredu pob asiantaeth a sut byddant yn cael eu cydlynu, megis:
- ymholiadau pellach;
- ymchwiliadau troseddol a arweinir gan yr heddlu;
- ymchwiliad a arweinir gan iechyd;
- gweithdrefnau disgyblu a arweinir gan y cyflogwr;
- torri rheoliadau, arolygu gan y rheolydd perthnasol.
- anghenion cyfranogi, cymorth a chyfathrebu unrhyw oedolyn sy’n wynebu risg;
- rheoli risgiau er mwyn sicrhau na chaiff unrhyw un ei adael na’i roi mewn risg a bod yr ymchwiliadau heb ragfarn;
- pwy fydd yn cysylltu â’r oedolyn sy’n wynebu risg, a’i deulu, am y penderfyniadau a wnaed neu mae angen eu gwneud, a pha benderfyniadau sydd wedi’u gwneud, os o gwbl;
- unrhyw drefniadau sydd eu hangen i sicrhau diogelwch ymarferwyr;
- dyddiadau ar gyfer adrodd, cwblhau a’r camau nesaf.
- penderfynu i bwy fydd yr ymarferwyr sy’n cynnal yr ymholiadau’n adrodd, pa mor aml a sut caiff y cynnydd ei adolygu;
- Mae’n bwysig penderfynu a ddylid ail-alw cyfarfod strategaeth er mwyn:
- gwirio cynnydd;
- casglu rhagor o wybodaeth;
- asesu gwybodaeth newydd;
- archwilio canlyniadau’r ymchwiliad cyn cynhadledd achos;
- rolau a chyfrifoldebau swyddogion allweddol, gan gynnwys pa asiantaeth a gweithiwr proffesiynol ddylai ymgymryd â’r rôl o ymchwilio. DS: Os yw ymchwiliad troseddol yn mynd rhagddo, dylai’r heddlu gytuno pa gamau gweithredu y gellir eu cymryd a phryd. Mae hyn yn sicrhau na chaiff unrhyw ymchwiliad troseddol ei beryglu.
Awgrymiadau Ymarfer: Anghenion Gofal a Chymorth neu Anghenion Gofal a Chymorth ac Amddiffyn
Rhannu canlyniadau trafodaeth / cyfarfod strategaeth
Dylid rhannu canlyniad y drafodaeth/cyfarfod strategaeth gyda’r oedolyn sy’n wynebu risg, oni bai bod asesiad o alluedd meddyliol wedi dangos fel arall.
Fodd bynnag, mae’n rhaid ystyried pa wybodaeth a gaiff ei rhannu. Dylid ystyried:
- yr effaith bosibl ar unrhyw ymchwiliad;
- hawliau pobl eraill sy’n cymryd rhan, gan gynnwys y cyflawnwr honedig, i gyfrinachedd.
Yn ymarferol, yn y cam hwn mae’n debygol na fydd ond yn bosibl dweud wrth yr oedolyn sy’n wynebu risg a oes ymchwiliad yn mynd rhagddo ac am y mesurau amddiffynnol sy’n effeithio arno yn uniongyrchol.
Ni ellir ond rhannu gwybodaeth am y canlyniad â pherthynas neu gyfaill i’r oedolyn sy’n wynebu risg os yw’n cydsynio. Gellir rhannu gwybodaeth â’r rheiny sydd a’r pŵer atwrnai neu’r rheiny a benodwyd fel dirprwy gan y Llys Gwarchod. Os asesir nad oes ganddo alluedd i wneud y penderfyniad hwn, gwneir penderfyniad budd gorau ynghylch rhannu gwybodaeth.
Os yw hysbysiad wedi ei wneud am Eiriolwr Galluedd Meddyliol (IMCA) ar gyfer yr oedolyn sy’n wynebu risg oherwydd yr aseswyd nad oes ganddo’r capasiti i gydsynio i un neu ragor o ddulliau amddiffyn, caiff yr Eiriolwr wybod canlyniad y drafodaeth/cyfarfod strategaeth. Os yw eiriolwyr eraill yn ymwneud â’r oedolyn sy’n wynebu risg bydd y bobl sy’n cymryd rhan yn y drafodaeth/cyfarfod yn penderfynu p’un a gaiff wybod ac os felly, faint o wybodaeth a gaiff.
Rhennir gwybodaeth ag ymarferwyr y mae ganddynt rôl yn y broses diogelu oedolion. Gall hyn gynnwys y rheolwr gofal a rheolwr gwasanaeth darparu.
Yr ymarferydd arweiniol sy’n gyfrifol am sicrhau bod y wybodaeth yn cael ei rhannu fel y cytunir yn y drafodaeth/cyfarfod strategaeth, er gallant drefnu bod eraill yn gweithredu’r rhannu gwybodaeth (er enghraifft cysylltu â’r oedolyn sydd mewn risg neu ei deulu).
Os yw’r drwgweithredwr honedig yn ymarferydd, gallai fod angen cysylltu â’i adran AD i roi gwybod iddi am unrhyw risg posibl y mae’r person hwnnw yn ei beri i’r oedolyn sy’n wynebu risg neu eraill ac i drafod camau gweithredu diogelu priodol. Ni ellir dweud wrth gyflogwr y person i gymryd camau gweithredu penodol, ond gellir rhoi gwybod iddo bod arno ddyletswydd i gymryd y camau gweithredu priodol i ddiogelu’r oedolyn sy’n wynebu risg ac eraill y tybir eu bod mewn risg a bydd yn atebol am unrhyw benderfyniad a wna.
Anghytundebau proffesiynol
Os yw gweithiwr proffesiynol yn anghytuno â phenderfyniad y cyfarfod strategaeth, dylai gyflwyno sylwadau i’w reolwr llinell ei hun a rhoi gwybod i’r uwch-reolwr sy’n gyfrifol am ddiogelu yn y gwasanaethau cymdeithasol a’r heddlu er mwyn ceisio cytuno ar benderfyniad yn unfrydol.
Oedolyn sy’n wynebu risg ac anghytundebau teuluol
Dylai testun unrhyw hysbysiad a/neu ei gynrychiolydd gael ei hysbysu’n briodol am yr hysbysiad a’r penderfyniad dilynol.
Os yw’r unigolyn neu ei gynrychiolydd yn anghytuno â’r broses a ddilynodd yr awdurdod lleol ac ni ellir datrys y mater, dylid cyfeirio at broses cwyno’r awdurdod lleol neu at y broses cwyno amlasiantaethol.
Awgrymiadau Ymarfer: Rheoli Anghytundebau Teuluol