Rhannu Cymraeg English

Adnabod bod plentyn sy’n wynebu risg o niwed

Adref 2

Mae diffiniadau o berygl wedi’u hamlinellu yn Adran 1

Esbonir y diffiniad o niwed yn Adran 3 rhan 1

Awgrymiadau Ymarfer: mae arwyddion a dangosyddion camdriniaeth ac esgeulustod bosib yn

Awgrymiadau Ymarfer: Rhwystrau Posibl Rhag Gweld ac Hysbysu am Gamdriniaeth ac Esgeulustod

Gofynion Tystiolaeth

Gall amheuaeth am [gamdriniaeth] (#tooltip)neu esgeulustod fod yn ‘bryderon’ yn hytrach na ‘ffeithiau hysbys’ oherwydd na fyddai tystiolaeth o gamdriniaeth neu esgeulustod yn bresennol bob tro. Yn hytrach, gallai ymarferwyr amau bod plentyn yn cael ei gam-drin neu esgeuluso.

Enghraifft: mae aelod staff mewn canolfan deulu yn sylwi ar newid yn ymddygiad plentyn sy’n cyd-ddigwydd â phartner newydd y fam yn symud i gartref y teulu.

Mewn rhai achosion, gallai ‘pryderon’ fod ar sail gwybodaeth a ddaw o amrywiaeth o ffynonellau a/neu gallant gronni dros amser.

Enghraifft: gall pryderon am gamdriniaeth neu esgeulustod posibl arwain o gronni gwybodaeth a gafwyd yn yr ysgol gan y plentyn, aelod o’r teulu, athro dosbarth, a staff cymorth.

Fel arall, gellir derbyn hysbysiadau ar wahân, sy’n awgrymu o’u hystyried yn holistig y gallai plentyn fod yn cael ei gam-drin/esgeuluso. Dylai ymarferwyr felly gofio ei bod yn bosibl nad fydd eu pryderon, ar eu pennau eu hunain, yn ymddangos yn arwyddocaol. Fodd bynnag, gyfochr â’r rhai a ddaw gan asiantaethau a ffynonellau eraill, gallant greu llun sy’n awgrymu bod y plentyn yn dioddef niwed.

Enghraifft: mae meddyg teulu yn gweld plentyn ag ecsema ac nid yw’n ymateb i’r driniaeth. Tra bod y rhiant yn sicrhau’r meddyg bod y driniaeth a nodwyd yn cael ei dilyn, mae’r meddyg teulu’n cwestiynu p’un ai a yw’r plentyn yn cael ei esgeuluso. Mae’n ymgynghori’n gyntaf â gweithwyr proffesiynol eraill ac mae’r wybodaeth a rennir yn nodi bod y plentyn sy’n wynebu risg o esgeulustod. – Mae gan y Meddyg Teulu Ddyletswydd i Hysbysu y wybodaeth hon

Gallai’r pryderon hefyd fod yn bresennol pan fo’r gwasanaethau cymdeithasol eisoes yn gwybod am blentyn. Peidiwch â chymryd yn ganiataol os yw’r gwasanaethau cymdeithasol yn gwybod am blentyn nad oes angen hysbysu. Cofiwch hysbysu bob tro.

Lleoliadau lle mae camdriniaeth yn digwydd

Gall camdriniaeth ddigwydd yn unrhyw le. Er enghraifft, yn y cartref, mewn lleoliad preswyl neu ofal dydd, mewn ysgolion, clybiau ieuenctid. Gall ddigwydd yn breifat neu mewn lleoliad cymunedol megis pwll nofio. Gall camdriniaeth hefyd ddigwydd ar-lein neu ar unrhyw lwyfan cyfryngau cymdeithasol.

Gallai’r pryderon hyn fod ynghylch ymddygiad aelod o staff, gwirfoddolwr, gofalwr, plentyn arall neu aelod o’r teulu neu aelod o’r gymuned.

Gallai’r pryderon hefyd fod yn bresennol pan fo’r gwasanaethau cymdeithasol eisoes yn adnabod yr unigolyn. Felly, peidiwch â chymryd oherwydd bod y Gwasanaethau Cymdeithasol yn adnabod yr unigolyn nad oes angen hysbysu amdano. Cofiwch hysbysu bob tro.