Trosolwg o'r adran

Yn yr adran hon, ceir amlinelliad o’r broses benderfynu ar gyfer cwblhau ymholiadau a47. Yr hyn sy’n hanfodol i’r broses hon yw pennu ‘niwed sylweddol’ a gwneud y penderfyniad o ran y tri phenderfyniad posibl ynghylch ymholiadau A47.

Ymhlith y rhain mae:

1. Penderfyniad 1: nid yw pryderon o ran niwed sylweddol wedi’u cadarnhau
2. Penderfyniad 2: mae pryderon wedi’u cyfiawnhau ond nid yw’r plentyn yn wynebu risg parhaus
3. Penderfyniad 3: pryderon wedi’u cyfiawnhau, ac ystyrir bod y plentyn yn wynebu risg o niwed, cam-driniaeth neu esgeulustod a dylid galw cynhadledd amddiffyn plant.

Mae’r gynhadledd amddiffyn plant gychwynnol yn dilyn ymholiadau a47 pan fo pryderon bod plentyn/plant yn wynebu risg parhaus o niwed sylweddol –Penderfyniad 3.
Mae’r gweithdrefnau sy’n perthyn i’r gynhadledd yn cynnwys:

• Tasgau’r Ymarferydd
• Amseru’r gynhadledd amddiffyn plant gychwynnol
• Presenoldeb
• Cworwm y gynhadledd amddiffyn plant
• Hyd y gynhadledd
• Cynadleddau ar gyfer brodyr a chwiorydd
• Cynhadledd amddiffyn plant cyn geni

Mae’r gweithdrefnau canlynol yn hanfodol er mwyn sicrhau ymarfer sy’n canolbwyntio ar y plentyn a bod llais y plentyn yn cael ei chlywed yn y gynhadledd:

• cynnwys plant yn y gynhadledd
  • rôl cadeirydd y gynhadledd a’r gweithiwr cymdeithasol gan gynnwys:
  • cyfnod paratoi a chyfnod ar ôl y gynhadledd
  • penderfynu p’un a fydd er budd gorau’r plentyn peidio â mynd i’r gynhadledd amddiffyn plant.

Mae’n bwysig cynnwys rheini yn y gynhadledd amddiffyn plant gan y gallant gyfrannu llawer.

Os yw hyn i fod yn effeithiol, yna dylai ymarferwyr fod yn glir beth yw eu rolau a’u cyfrifoldebau eu hunain o ran:

• paratoi’r rhiant/gofalwr i gymryd rhan yn y gynhadledd
• cefnogi rhieni neu ofalwyr i gymryd rhan yn y gynhadledd amddiffyn plant
• yn syth cyn y gynhadledd
• yn syth ar ôl y gynhadledd
• dilyn
• penderfynu p’un a fydd er budd gorau’r plentyn i riant ddod i i’r gynhadledd amddiffyn plant
• darparu ar gyfer aelodau teulu

Mae’n hollbwysig paratoi adroddiadau ar gyfer cynhadledd er mwyn llywio’r broses benderfynu. Mae’r rhan hon o’r gweithdrefnau yn amlinellu:

• beth dylid ei gynnwys yn adroddiad y gweithiwr cymdeithasol
• adroddiadau ymarferwyr sy’n cyfrannu gan gynnwys gwybodaeth benodol sydd ei hangen gan wahanol asiantaethau
• cyfrifoldebau’r asiantaethau ar gyfer rhannu adroddiadau â’r teulu.

Mae’r gweithdrefnau sy’n berthnasol i’r gynhadledd amddiffyn plant gychwynnol: proses wedi eu nodi gan gynnwys:

• cadeirio’r gynhadledd amddiffyn plant
• yr agenda
• cyfrinachedd a rhannu gwybodaeth mewn cynadleddau amddiffyn plant
• ceisiadau gan ymarferwyr i beidio â datgelu gwybodaeth gyfrinachol i’r teulu
• amgylchiadau pan fod rhaid datgelu gwybodaeth

Dylai’r broses benderfynu mewn cynhadledd amddiffyn plant gychwynnol arwain at:

• penderfyniad y gynhadledd 1: nid yw’r plentyn yn wynebu risg parhaus o niwed, ond gallai fod ganddo anghenion gofal a chymorth

neu

• Penderfyniad y Gynhadledd 2: mae’r plentyn yn dioddef niwed neu yn wynebu risg o niwed ac mae’n destun cynllun amddiffyn gofal a chymorth
• Manylion y broses yw:
• cyrraedd penderfyniad
• gwneud penderfyniadau yn ystod cynadleddau amddiffyn plant pan na cheir consensws
• gohirio penderfyniad mewn cynhadledd amddiffyn plant

Os gwneir Penderfyniad Cynhadledd 2 mae’n rhaid i gyfranogwyr y gynhadledd restru enw’r plentyn ar y Gofrestr Amddiffyn Plant

Mae’r gweithdrefnau yn cynnwys:

• rhoi enw plentyn ar y gofrestr amddiffyn plant
• goblygiadau rhoi enw plentyn ar y gofrestr amddiffyn plant
• plant sy’n derbyn gofal a chofrestru
• cael gafael ar y gofrestr

Os roddir enw’r plentyn ar y Gofrestr Amddiffyn Plant yna bydd rhaid i gyfranogwyr y gynhadledd greu cynllun amddiffyn gofal a chymorth bras a bydd rhaid i’r cadeirydd nodi’r gweithiwr cymdeithasol: (cydlynydd cynllun amddiffyn gofal a chymorth) Manylir rôl a chyfrifoldebau’r gweithiwr cymdeithasol.

Mae sawl tasg arall yn y gynhadledd amddiffyn plant gychwynnol ac ar ôl y gynhadledd. Mae’r rhain yn cynnwys rheoli:

• cofnodion y gynhadledd amddiffyn plant
• cwynion gan rieni, gofalwyr a phlant ynglŷn â’r penderfyniadau a’r modd y caiff y gynhadledd amddiffyn plant ei chynnal.